3 Yohane
1 Ine ne mukalamba+ nalembela Gai, uwatemwikwa, uo natemwa icine cine.+
2 We mutemwikwa,+ ndekupepelako ukuti ifintu fyonse filekwendela bwino+ no kuti ule-enda umutende,+ nga filya fine ifintu fikwendela bwino.+ 3 Pantu nalisansamwike nga nshi ilyo aba bwananyina baishile no kutushimikila pa cine ico wakwata, nga filya fine wenda mu cine.+ 4 Takuli icintu nangu cimo icinsansamusha nga nshi ukucila pa kumfwa ukuti abana bandi bale-enda mu cine.+
5 We mutemwikwa, waliba uwa cishinka nga nshi muli fyonse ifyo ubombela aba bwananyina,+ na beni bene,+ 6 abashimika ku cilonganino pa kutemwa kobe. Shi ulebashindika pa lwendo lwabo ukulingana ne fifwaya Lesa.+ 7 Pantu pa mulandu we shina lya kwa Lesa e po bafumiine, ukwabula ukupokelela akantu nangu kamo+ ku bena fyalo. 8 E ico, tufwile ukupokelela bwino aba musango yo,+ pa kuti tube ababomfi banabo mu cine.+
9 Nalembele fimo ku cilonganino, lelo Diotrefe, uufwaya ukuba pa ntanshi+ pali bena, alakaana fyonse+ ififuma kuli ifwe kabili alasuusha.+ 10 E ico, nga naisa, nkebukisha imilimo yakwe iyo acita,+ pa kulanda amashiwi yabipa ayengi pali ifwe.+ Tapelela fye pali ifi fine, lelo tapokelela na ba bwananyina+ mu mucinshi, na bonse abafwaya ukubapokelela+ alabakaanya+ no kubatamfya+ mu cilonganino.
11 We mutemwikwa, wilapashanya abacita ifyabipa, kano abacita ifisuma.+ Uucita ifisuma wa kwa Lesa.+ Uucita ifyabipa ninshi tatala amona Lesa.+ 12 Demetri alishimikwa bwino kuli bonse+ pantu ekala imikalile ya bukapepa. Na kuba, na ifwe bene, tuli nte,+ kabili nawishiba ukuti ubunte bwesu bwa cine.+
13 Ndi ne fingi ifya kukulembela, lelo nshilefwaya nkonkanyepo ukukulembela kuli inki na ku kalembelo.+ 14 Lelo ndesubila ukwisakumona bwangu, kabili tukalanda pa kanwa nkati.+
Umutende ube na iwe.+