Ni kwi Kwingasangwa Amasuko?

E cipusho abantu abengi bepusha ndakai. Kafundisha umo mu Novosibirsk, ku Russia, atile tacayanguka ukusanga amasuko ku fipusho abana be sukulu bamwipusha pali Lesa na pa mipepele. Alondolwele muli kalata ati:

“Bushiku bumo ilyo nabwelele ku ng’anda, nasangile katrakiti pa ng’anda akaleti ‘Umulandu Mwingacetekela Baibolo.’ Mfundisha icisambililo ca lyashi lya kale, kabili ilingi tulalanshanya na bana be sukulu pa mipepele, pali Baibolo, na pali Lesa. Inshita shimo cilafya sana ukusanga amasuko ku fipusho abana bepusha.

“Kale, naleti abantu bafwile fye ukupepa kuli Lesa ilyo bali na mafya. Lelo nomba ninjishiba bwino ukuti te fyo cifwile ukuba. Umo na kabili kuti aipusha ati: ‘Mulandu nshi ici cancitikile? Nga nine ani? Ni kwi nafumine? Nkaya kwi ilyo nkafwa?’ Cikankaala ukusanga amasuko kuli fi fipusho. Cimoneka ukuti mu Baibolo e mwaba amasuko yafikapo.”

Kafundisha asondwelele ati: “Ico nalembela uno kalata kufwaya ukuti njishibilepo na fimbi pali Baibolo na Lesa.”

Inte sha kwa Yehova balanga abantu ukuti uko bengasanga amasuko ku fipusho bepusha ni muli Baibolo. Sambilileni icitabo ca Ukwishiba Uko Kutungulula ku Mweo wa Muyayaya. Mu fipandwa 19 ifya muli ici citabo mwaba iyi mitwe: “Lesa wa Cine Nani?,” “Mulandu Nshi Tukotela no Kufwa?,” na “Mulandu Nshi Lesa Asuminishisha Ukucula?” Kuti mwakwatako ici citabo ca mabula 192 ica kusambililamo Baibolo nga mwapwishishisha ukulemba pali aka kapepala kali pe samba no kukatuma pa keyala kene kalembelwepo nelyo pa keyala kalinga akali pe bula 5 ilya uno wine magazini.

□ Ntumineniko icitabo ca Ukwishiba Uko Kutungulula ku Mweo wa Muyayaya.

□ Mukwai kuti mwaisamona ifi ndefwaya Isambililo lya Baibolo ilya pa ng’anda.