Yalimucebwishe

Mu musebo umo uukalamba mu Bangui, mu calo ca Central African Republic, uwacaice umo apokelele trakiti iitila Nani mu Cituntulu Ateka Icalo? Ici cipusho calimucincimwishe, kabili alefwaisha ukwishibilapo na fimbi. Atendeke ukuibelenga, kabili umunankwe na o atemenwe iyi trakiti. Lelo pali fye trakiti imo, kabili umwine talefwaya ukupeela. Bacitile shani?

Icabafwile balipile 100 CFA indalama sha ku Central African Republic ishalingana na masenti 15 aya ku (United States of America), pa kuti bacite fotokopi iyi trakiti. Ishi ndalama shingi ku mwana we sukulu mu Bangui. Lelo nomba bonse balisansamwike pa kukwatako ubukombe ubo abantu abengi mwi sonde bakwata.

Nga kuti mwatemwa ukubelenga ifyo imitekele ya calo ili no kuwama nomba line, kuti mwapokako iyi trakiti. Kuti mwabeba ukumutuminako iyi trakiti pamo na broshuwa wa mabula 32 uwa “Moneni! Ifintu Fyonse Nafilenge Fipya” pa kwisushisha akapepala kali pe samba no kutuma ku keyala kali pa kapepala nelyo ku keyala kalinga akali pe bula 5 ilya uno magazini.

□ Ntumineniko trakiti wa Nani mu Cituntulu Ateka Icalo? pamo na broshuwa wa “Moneni! Ifintu Fyonse Nafilenge Fipya.”

Ululimi.

□ Mukwai na ine kuti bantandalilako pa kuti nkatendeke ukusambilila Baibolo ukwabula ukulipila.