Icikope Casansamwishe Umukashana

Umukashana umwina Japan nomba line fye alembele pa fyo akungumene kale ukutula fye ku bwaice. Uyu mukashana atile icamusansamwishe cikope calipo umwana uo wishi afukatile pa cifuba. Ici cikope cali muli magazini ya Ulupungu lwa kwa Kalinda. Utulembo pali ici cikope twatile: “Ukupala ukukumbatilwa bwino kuli wishi wa kutemwa, ifya kusansamusha fya kwa Yehova kuti fyacefyako amasakamika yesu.”

Umukashana atile ukubelenga icitabo citila Sambilila Kuli Kasambilisha Mukalamba na ko kwalimusansamwishe. Kwamusansamwishe shani? Atila: “Ici citabo bacilemba kwati ni filya umufyashi mwaume alanda ku mwana munono. Ilyo ndebelenga ici citabo, ng’umfwa kwati nakalimo mfukatilwe pa cifuba ca kwa Yehova, kabili ndafilwa ukushipikisha, ifilamba filatona. Limo limo mfwaya fye uwingankutika e lyo limbi ndafwaya uwa kulanda na ine pa kuti ningakutika kuli wena. Kwena abana e bengeba umuntu ukubafukatila, lelo ine te kuti njebe umuntu ukukumbatila nelyo ukuti ndefwaya ukulanda nankwe. Kanshi, pali ino nshita, Yehova alecita ifi fine fye kuli ine ukupitila mu kubelenga ici citabo.”

Ici citabo cawamo bulondoloshi ica mabula 256 cafumine uyu mwaka wapwile. Kuti mwapokako ici citabo ilyo mwalemba akapepala akali pe samba e lyo no kukatuma ukubomfya akeyala kalipo nelyo akeyala kalinga pe bula 5 ilya uno magazini.

□ Ndefwayako fye icitabo citila Sambilila Kuli Kasambilisha Mukalamba.

□ Mukwai kuti mwaisamona ukukuma kwi sambililo lya Baibolo ilya pa ng’anda ilya pa fye.