Bushe Insansa Kuti Shabamo Mu Ng’anda?

Uyu mwaka wapwile nyina wa mwana umo alembeele ku maofesi ya Nte sha kwa Yehova mu Mexico no kulomba ukuti bamwafwilishe ukuba ne nsansa mu ng’anda. Alondolwele ukutila aliipakishe ukubelenga Loleni! kabili atile:

“Papite myaka itatu ukutula apo naupilwa, kanshi kuti natemwa mwampandako amano no kunjebako ifyo ningacita pa kuti mu ng’anda yesu mwaba insansa. Ine na bena mwandi twalitemenwe ilyo twakwete umwana umwaume uuli ne myaka ibili, kanshi kuti natemwa ukumukusha bwino.”

Uyu mwanakashi alishibe ukuti kwaliba icitabo citila Icaba Inkaama ku Nsansa Sha Lupwa kabili alilembele kalata ya kulomba icitabo. Abantu amakana ayengi balilemba ukuti balefwaya ici citabo. Pa numa ya kubelenga ici citabo, abengi balalanda ukuti cilabafwa. Amasambililo yashaiwamina yamo ayabamo ni aya: “Kansheni Umwana Wenu Ukufuma ku Bwaice,” “Cingilileni Ulupwa Lwenu ku fya Kusonga Ifyonaula,” na “Sungilileni Umutende mu Ng’anda Yenu.”

Kuti mwaipusha ukuti bamutumine icitabo citila Icaba Inkaama Ku Nsansa Sha Lupwa nga mwalemba akapepala no kutuma ku keyala kali apa nelyo kuli kambi akalinga ukufuma pe bula 5 muli ino magazini.

□ Kuti natewma mwantuminako icitabo citila Icaba Inkama ku Nsansa sha Lupwa.

□ Kuti natemwa muleisa mu kunsambilisha Baibolo pa ng’anda ukwabula ukundipilisha.