“Ala Ici Citabo Cisuma Nga Nshi”

● Bushe kuti mwatemwa ukubelenga ilyashi lya kwa Yesu Kristu ilyo pano calo, na masambilisho alesambilisha ayalealula abantu e lyo ne filangililo alebomfya pa kusambilisha? Nga kuti mwatemwa, ninshi mukabelenge icitabo ca Umuntu Wakulisha Uwabalile Abako Uwa Mweo.

Pa numa ya kubelenga ici citabo uwabelengele umo atile: “Calyanguka ukubelenga, lelo mwaliba ifyebo fyonse ifisuma pali Shikulwifwe ilyo aali pano calo, ala ici citabo cisuma nga nshi.”

Muli ici citabo, balyesha ukulondolola ifyalecitika nga filya fine fyakonkene ukucitika. Ifyebo fyabamo fyafuma mu mabuuku 4 ayaba mu Cebo ca kwa Lesa, ayalembelwe na Mateo, Marko, Luka na Yohane abaliko ilyo Yesu aali pano calo. Mateo na Yohane bali batumwa kabili balebombela pamo na Yesu. Marko aali ni cibusa wa mutumwa wa kwa Yesu, Petro. E lyo Luka, uwali kondapa, aalebombela pamo no mutumwa Paulo.

Nga mulefwayako ici citabo, kuti mwalemba pali aka kapepala kali apa no kukatuma ukubomfya adresi iingalinga iili pe bula 5 muli ino magazini.

□ Ntumineni icitabo ca bupe fye icili apa.

□ Ndefwaya abengesa mu kunsambilisha Baibolo pa ng’anda.