Watchtower LAIBRARE YA PA INTANETI
Watchtower
LAIBRARE YA PA INTANETI
Cibemba
  • BAIBOLO
  • IMPAPULO
  • UKULONGANA
  • g 9/14 ibu. 10
  • Lupwa Lwenu nga Afwa

Vidio mulefwaya tamuli

Mukwai yafilwa ukutambika

  • Lupwa Lwenu nga Afwa
  • Loleni!—2014
  • Utumitwe utunono
  • Ifipalileko
  • IFINGAMWAFWA UKUSHIPIKISHA
  • Nga Mwaponenwa na Masanso
    Loleni!—2014
  • Icitabo Icingafwa Abafwililwe
    Loleni!—2018
  • Ifingafwa Abaleloosha
    Loleni!—2011
  • Ukusumina Ukuti Umutemwikwa Wenu Alifwa
    Loleni!—2011
Moneni na Fimbi
Loleni!—2014
g 9/14 ibu. 10
Motoka yali mu busanso bwa pa musebo

ICIPANDE CIKALAMBA | NGA MWAPONENWA NA MASANSO

Lupwa Lwenu nga Afwa

Ba Ronaldo aba ku Brazil bali mu busanso bwa pa musebo umo balupwa lwabo 5 bafwile. Pa bafwile pali bawishi na banyina. Batile: “Pa numa ya kuba mu cipatala pa myeshi ibili, e lyo banjebele ukuti balupwa lwandi balifwile mu busanso.”

Ba Ronaldo

“Pa kubala, nshashininkishe ukuti bonse balifwile. Kuti bafwa shani bonse? Ilyo nashininkishe ukuti ca cine balifwa, calimponeshe pa musao kabili nshatala umfwapo ububi fi. Pa nshiku shakonkelepo, nalemona kwati cawamapo ukufwa ukucila ukushala neka. Nalelila cila bushiku pa myeshi iingi! Naleipeela umulandu pa kuleka umuntu umbi ukwensha motoka. Nga nine nale-ensha, nalimo nga tabafwile.

“Napapita imyaka 16, kabili nalikonkanyapo ukwikala nga filya naleikala kale. Lelo imfwa yabo yalilenga naba no bulanda sana ubushapwa na nomba.”

IFINGAMWAFWA UKUSHIPIKISHA

Loosheni lupwa wenu nga afwa. Baibolo itila kwaliba “inshita ya kulila.” (Lukala Milandu 3:1, 4) Ba Ronaldo batile: “Lyonse nale-enda ne cikonko ku mukoshi, ne ci calelenga ndelila sana. Ukukanalila takwalengafwa, lelo nga nalila naleumfwako bwino.” Ca cine ukuti fwe bantu tuloosha mu nshila ishalekanalekana. E ico nga tamulila apo pene umuntu afwa, te kutila mufwila fye mu kati, e lyo tacifwile ukulenga mwaipatikisha ukulila.

Mwilaitalusha ku banenu. (Amapinda 18:1) Ba Ronaldo batile: “Nshalefwaya ukulaitalusha ku banandi nangu fye panono. Abantu balentandalila kabili nalebapokelela. Nga kuli ifili ku mutima, nale-ebako umwina mwandi ne fibusa fyandi.”

Mwilafulwa umuntu nga alanda amashiwi ayamukalifya. Bamo nalimo kuti bamweba ukuti “Kabaleya batuushe.” Ba Ronaldo basosele no kuti, “Amashiwi yamo ayo balenjeba yalemoneka kwati ya kunsansamusha, lelo yalenkalifya fye.” Ukucila ukulatontonkanya fye pa mashiwi batwebele aya kutukalifya, kuti cawama nga twakonka filya Baibolo itila: “Wibika umutima obe ku mashiwi yonse ayo abantu bengasosa.”—Lukala Milandu 7:21.

Ishibeni icicitika umuntu nga afwa. Ba Ronaldo batile: “Pali Lukala Milandu 9:5 patila abafwa tabacula, kabili ukwishiba ici kwalilenga nilasakamikwa. Baibolo itusambilisha no kuti kukaba ukubuuka kabili itila abafwa bakaba no mweo na kabili. Ici calenga ndemona balupwa lwandi abafwa kwati baya fye mu kutandala.”—Imilimo 24:15.

Bushe mwalishiba? Baibolo yalilanda ukuti Lesa “akamina imfwa umuyayaya.”a—Esaya 25:8.

Aya amalyashi yalelanda pa fyo mwingacita nga mwaponenwa na masanso. Nga mulefwaya ifyebo na fimbi ifilanda pa filenga abantu ukucula, belengeni ilyashi litila “Mulandu Nshi Ifyabipa Ficitikila Abacita Ifisuma?” mu Ulupungu lwa kwa Kalinda ulwa July 1, 2014.

a Nga mulefwaya ukwishibilapo na fimbi, belengeni icipandwa 7 mu citabo icitila Bushe Cinshi Baibolo Isambilisha?

    Impapulo sha mu Cibemba (1982-2025)
    Isaleni
    Isuleni
    • Cibemba
    • Peleniko Bambi
    • Ifyo Mwingasala
    • Copyright © 2025 Watch Tower Bible and Tract Society of Pennsylvania
    • Ifya Kubomfya
    • Amafunde Yesu
    • Privacy Settings
    • JW.ORG
    • Isuleni
    Peleniko Bambi