Liechtenstein

ICI ICALO cabela pa kati ka calo ca Switzerland na Austria mu mpili sha Alps, kabili caba pa fyalo ifyacepa sana. Abena Celts, abena Rhaetia, abena Roma, e lyo na bena Alemanni, balikalapo muli ici calo. Pali ino nshita, abafula mu Liechtenstein, bena Alemanni. Apo abena Alemanni bailile muli ici calo, napapita nalimo imyaka 1,500.

Ululimi balanda sana mu Liechtenstein, ciGerman, nangu ca kuti kwaliba indimi na shimbi isho abantu balanda mu mishi. Ifya kulya balya sana mu Liechtenstein ni Tüarka-Rebel, iyo bapang na mataba. Fimbi ifyo balya sana ni Käsknöpfle, iyo babikamo umukaka uwatikama.

Abantu nga baletandala muli ici calo balamona impili apaba amenshi makasa, imikonko umwaba ifimenwa ifisuma, amabala ya myangashi, e lyo ne fimenwa fimbi. Ku ca kumwenako, muli ici calo mwaliba imisango 50 iya maluba ya mu mpanga ayamoneka bwino sana. Mu Liechtenstein mwaliba ne fikulwa umo abantu batamba ifintu fya kale ifyo basunga, mwaliba no mwa kutambila amangalo, e lyo no mwa kupangila umwangashi. Kanshi abantu abengi balaya kuli ici calo mu kutandala.

Ukutula muli ba 1920, Inte sha kwa Yehova balashimikila abantu imbila nsuma mu Liechtenstein. Pali ino nshita, muli ici calo mwaba ba Nte 90, abashimikila imbila nsuma ku batandashi e lyo na ku bantu abekala muli ici cine icalo.