ICIPUTULWA 14

Kuti Mwalanga Shani Ukuti Muli ba kwa Yehova?

Nga mwasalapo ukulakutika kuli Lesa ninshi mwasala bwino. Mateo 7:24, 25

Umwina Kristu akaana ukuba mu mipepele ya bufi no kuitumpa mu milandu ya mitekele ya calo

Mwilacitako intambi ishipusana ne fyo Baibolo isambilisha. Mufwile ukukosa pa kucita ifi.

Mwilaitumpa mu milandu ya mitekele ya calo; taitungilila Yehova no Bufumu bwakwe.

Beni ku lubali lwa kwa Lesa. 1 Petro 5:6-9

Umwaume ali pa kulongana pa Ng’anda ya Bufumu, kabili alesambilila Baibolo na Inte ya kwa Yehova

Beni ifibusa fya Nte sha kwa Yehova; bakamwafwa ukupalama kuli Lesa.

Twalilileni ukusambilila pali Lesa kabili mulekonka amafunde yakwe.

Umwaume aipeela kuli Yehova mwi pepo kabili pa numa abatishiwa

Icitetekelo cenu nga cakosa, ipeeleni kuli Yehova no kubatishiwa.—Mateo 28:19.

Mulekutika kuli Lesa. Mulebelenga Baibolo, kabili ebeni Inte sha kwa Yehova ukuti bamwafwilisheko ukumfwikisha Baibolo. Kabili mulebomfya ifyo mulesambilila. Nga mulecita ifyo, mukekala umuyayaya.—Amalumbo 37:29.