UKUICEFYA
Bushe Yehova amona shani abaicefya na bamatutumuko?
Am 138:6; Amp 15:25; 16:18, 19; 22:4; 1Pe 5:5
Moneni na Amp 29:23; Es 2:11, 12
AMALYASHI YA MU BAIBO AYO TWINGASAMBILILAKO:
2Im 26:3-5, 16-21—Imfumu Usia yaishileba ne cilumba; yalitobele ifunde lya kwa Lesa kabili yalifulilwe ilyo bailungike; Lesa alilwalike Usia ifibashi
Lk 18:9-14—Yesu alilandile icilangililo ilyo alelondolola ifyo Yehova amona amapepo ayo aba cilumba bapepa e lyo na yo abaicefya bapepa
Bushe Yehova acita shani umuntu nga aicefya kabili alapila ukufuma panshi ya mutima?
AMALYASHI YA MU BAIBO AYO TWINGASAMBILILAKO:
2Im 12:5-7—Imfumu Rehoboamu ne ntungulushi sha mu Yuda bali-icefeshe kuli Yehova, ici calengele Yehova ebonaula
2Im 32:24-26—Nangu ca kuti Hisekia ali ni mfumu iisuma, aishileba ne cilumba, lelo Yehova alimubelele uluse ilyo aicefeshe
Bushe ukuicefya kulenga shani twalaumfwana bwino na bantu?
Ef 4:1, 2; Flp 2:3; Ko 3:12, 13
AMALYASHI YA MU BAIBO AYO TWINGASAMBILILAKO:
Ukt 33:3, 4—Yakobo ali-icefeshe sana ilyo aleposha ndume nankwe Esau uwamupatile. Ifi acitile fyalengele batendeke ukumfwana
Aba 8:1-3—Apo Kapingula Gideone ali uwaicefya, aebele abaume abena Efraimu ukuti balimucilile. Ifi alandile fyalengele ubukali bakwete bwapwa, baleka no kuumana nankwe
Finshi Yesu Kristu asambilishe pa co cacindamina ukuba abaicefya?
Mt 18:1-5; 23:11, 12; Mko 10:41-45
AMALYASHI YA MU BAIBO AYO TWINGASAMBILILAKO:
Es 53:7; Flp 2:7, 8—Nga fintu bakasesema baseseme, Yesu ali uwaicefya; ali-itemenwe ukwisa pe sonde, kabili aliculile nga nshi no kuseebana pa kufwa
Lk 14:7-11—Yesu alilandile pa fyo abantu balesala apa kwikala nga babeta ku mutebeto, pa kulangilila ifyo ukuicefya kwacindama
Yoh 13:3-17—Yesu alisambile amakasa ya batumwa bakwe pa kuti abasambilishe ukuti nabo balingile ukuba abaicefya