INDALAMA
Mulandu nshi ukutemwa indalama kwabipila?
Moneni apaleti “Ukufwaisha Ukukwata Ifingi”
Finshi Baibo ilanda ifilanga ukuti ukukwata indalama sha kusakamaninamo ulupwa lwesu takwabipa?
Lkm 7:12; 10:19; Ef 4:28; 2Te 3:10; 1Ti 5:8, 18
AMALYASHI YA MU BAIBO AYO TWINGASAMBILILAKO:
Ukt 31:38-42—Ilyo Yakobo alebombela shifyala Labani, ali no bufumacumi nangu ca kuti Labani alemucenjesha; lelo Yehova alepaala Yakobo pa fyo alebombesha pa kuti alesakamana ulupwa lwakwe
Lk 19:12, 13, 15-23—Icilangililo Yesu alandile cilanga ukuti ilyo ali pano isonde caliseekele ku bantu ukubika indalama mu makwebo pa kuti bapangilepo indalama na shimbi
Finshi Baibo ilanda pa kukongola no kukongwesha indalama?
Cinshi tushilingile ukulakongola indalama icikongole kongole?
AMALYASHI YA MU BAIBO AYO TWINGASAMBILILAKO:
Neh 5:2-8—Abena Israele bamo mu nshiku sha kwa Nehemia tabaleba ne cikuuku ku bo balekongwesha indalama
Mt 18:23-25—Icilangililo Yesu alandile citusambilisha ukuti umuntu nga afilwa ukubwesha inkongole kuti bamukanda
Finshi tufwile ukucita ilyo tushilatendeka ubukwebo no uushili Mwina Kristu munensu, uwa bwananyina nelyo fye lupwa wesu?
AMALYASHI YA MU BAIBO AYO TWINGASAMBILILAKO:
Ukt 23:14-20—Ilyo Abrahamu aleshita impanga no lucengo umo ali no kushiika Sara, alikwete bakambone pa kuti ku ntanshi kwikaba ukukansanina pa mpanga
Ye 32:9-12—Ilyo Kasesema Yeremia aleshita impanga ku mufyala wakwe, alilembele icipepala ca kushitilapo impanga kabili alipangileko na kope, lyena alilipile indalama ninshi na bakambone epo bali