UKWELELA

AMALYASHI YA MU BAIBO AYO TWINGASAMBILILAKO:

• Am 78:​40, 41; 106:​36-46—Pa miku iingi Yehova ale-elela abantu bakwe, nangu ca kuti ifyabipa ifyo balecita fyalemukalifya umutima

• Lk 15:​11-32—Pa kulondolola ifyo Yehova eleela, alandile pa mufyashi umwaume uwabelele uluse umwana wakwe umwaume uwacitile ifyabipa e lyo alapila

AMALYASHI YA MU BAIBO AYO TWINGASAMBILILAKO:

• He 9:​22-28—Umutumwa Paulo alilondolwele ukuti umulopa wa kwa Kristu weka fye eulenga Lesa aletwelela imembu

• Uks 7:​9, 10, 14, 15—Umutumwa Yohane amwene mu cimonwa “ibumba ilikalamba” abo Lesa alemona ukuti balisanguluka pa mulandu wa mulopa wa kwa Kristu

AMALYASHI YA MU BAIBO AYO TWINGASAMBILILAKO:

• Yb 42:​7-10—Ilyo Yehova ashilafumyapo ubucushi pali Yobo no kumulenga aba no bumi ubusuma na kabili ne fyuma, aebele Yobo ukuti apepeleko abanankwe batatu abalandile ifyabipa pali ena

• Mt 18:​21-35—Yesu alilandile icilangililo pa kuti atusambilishe ukuti tufwile ukulabelela uluse abatulufyanya nga tulefwaya na ifwe Lesa aletubelela uluse

AMALYASHI YA MU BAIBO AYO TWINGASAMBILILAKO:

• Am 32:​1-5; 51:​1, 2, 16, 17—Pa mulandu wa kuti Imfumu Davidi yalicitile imembu ishikalamba, yalyumfwile sana ububi kabili yalilapiile ukufuma panshi ya mutima

• Yak 5:​14-16—Yakobo alandile ukuti nga twacita ulubembu ulukalamba tufwile ukwebako baeluda

AMALYASHI YA MU BAIBO AYO TWINGASAMBILILAKO:

• 1Is 21:​27-29; 2Im 18:​18-22, 33, 34; 19:​1, 2—Ilyo Imfumu Ahabu baipingwile, yali-icefeshe kabili Yehova ali-ibeleleko uluse, lelo tayacitile ifyalangile ukuti yalilapiile icine cine. E ico Yehova atwalilile ukuimona ukuti yalecita ifyabipa kabili ali-ipeye

• 2Im 33:​1-16 —Imfumu Manase yalecita sana ifyabipa; na lyo line, Yehova ali-ibelele uluse ilyo yalapiile. Manase alilangile ukuti alilapiile icine cine ilyo acitilepo fimo pa kuti abantu baleke ukupepa ifilubi, lelo balepepa Yehova

AMALYASHI YA MU BAIBO AYO TWINGASAMBILILAKO:

• 2Sa 12:13; 24:1; 1Is 9:​4, 5—Nangu ca kuti Davidi alicitile imembu ishikalamba, Yehova alimubelele uluse ilyo alapiile kabili pa numa alandile pali ena ukuti ali muntu wa cishinka

AMALYASHI YA MU BAIBO AYO TWINGASAMBILILAKO:

• Mt 26:​36, 40, 41—Abatumwa ba kwa Yesu balileele pa nshita alefwaya ukuti bamukoseleshe; na lyo line Yesu alimwene ukuti icalengele balaale ni co balinakile sana

• Mt 26:​69-75; Lk 24:​33, 34; Imi 2:​37-41 —Pa miku itatu Petro alikeene Yesu, lelo Kristu alibeleele uluse uyu umutumwa pantu alilapiile; ilyo Yesu abuushiwe, alimoneke kuli Petro kabili pa numa alimupeele imilimo yaibela mu cilonganino

AMALYASHI YA MU BAIBO AYO TWINGASAMBILILAKO:

• Mt 23:​29-33—Yesu alisokele bakalemba na baFarise, bonse pamo bali no kubapingula ukuti bakaya mu Gehena, e kutila bakabonaula umuyayaya

• Yoh 17:12; Mko 14:21—Yesu aitile Yuda Iskariote ukuti “uukonaulwa” kabili alandile no kuti nga caliweme uyu mubifi nga tafyelwe