Cinshi Baibolo Isambilisha?

Bushe abantu e balenga kube ifilonganino fya mapepo?

ABANTU BAMO BATILA abantu e balenga kube ifilonganino fya mapepo; bambi batontonkanya ukuti Lesa alabomfya ifilonganino fya mapepo pa kuti apalamike abantu kuli ena. Inga imwe mwaishibapo shani?

IFYO BAIBOLO ILANDA

Kwaliba “imipepele iyasanguluka kabili iishakowela mu menso ya kwa Lesa wesu kabili Shifwe” (Yakobo 1:27) Ni Lesa walenga ukuti kube ukupepa kwasanguluka nelyo ukwa cine.

FINSHI FIMBI IFYO TUSAMBILILAKO KU FYO BAIBOLO ILANDA?

• Pa kuti ababa mu cilonganino ca mapepo balesekesha Lesa, balingile ukulasambilisha ifyaba mu Baibolo.—Yohane 4:23, 24.

• Ifilonganino fya mapepo umo basambilisha amafunde ya bantu fya fye.—Marko 7:7, 8.

Bushe calicindama ukuba mu cilonganino ca mapepo?

BUSHE KUTI MWATILA?

• Ee

• Awe

• Nalimo

IFYO BAIBOLO ILANDA

“Tutontonkanye pa banensu ku kucincishanya ku kutemwa kabili ku kubomba imilimo iisuma, twilapuswa ku kulongana.” (AbaHebere 10:24, 25) Lesa afwaya ukuti bakapepa ba cine balelongana pamo.

FINSHI FIMBI IFYO TUSAMBILILAKO KU FYO BAIBOLO ILANDA?

• Bonse abapepela Lesa capamo tabafwile ukusumina mu fisambilisho ifyapusana.—1 Abena Korinti 1:10, 11.

• Ababa mu cilonganino ca mapepo ico Lesa afwaya, balaba ni bamunyina ba mwi sonde lyonse.—1 Petro 2:17.