Ukupituluka mwi Sukulu lya Butumikishi Ilya Bulesa
Amepusho yakonkapo e yo tukapitulukamo mwi Sukulu lya Butumikishi Ilya Bulesa mu mulungu wa August 26, 2013. Pa cipusho cimo na cimo pali umulungu uo batantika ukulanshanyamo ico cishinka pa kuti ilyo mulepekanya isukulu muli uyo mulungu, mwafwailishapo.
1. Cinshi twingasambilila ku fyacitikiile Imfumu Herode ilyo yasuminishe abantu ukuilumbanya no kuicindika? (Imil. 12:21-23) [July 1, w08 5/15 ibu. 32 para. 7]
2. Bushe abacaice Abena Kristu kuti banonkelamo shani nga baletontonkanya pali Timote no kulamupashanya? (Imil. 16:1, 2) [July 8, w08 5/15 ibu. 32 para. 10]
3. Bushe Akula na Prisila bayafwile shani Apolo mu cikuuku pa numa ya kumfwa uko ‘alelanda ukwabula umwenso’ mwi sunagoge ku Efese? (Imil. 18:24-26) [July 15, w10 6/15 ibu. 11 para. 4]
4. Fyebo nshi ifyaba mu Baibolo ifilangilila ukuti caliba fye bwino ku Nte sha kwa Yehova ukuya ku filye nga ba bekalila pa nsambu shabo isha kushimikila? (Imil. 25:10-12) [July 22, bt ibu. 198 para. 6]
5. Bushe Umutumwa Paulo acitile shani pa kuti aleshimikila na lintu ali mu cifungo ku Roma, kabili ababomfi ba kwa Yehova bamupashanya shani muno nshiku? (Imil. 28:17, 23, 30, 31) [July 29, bt amabu. 215-217 amapara. 19-23]
6. Mulandu nshi Baibolo ilandila ukuti abaume abalaala na baume banabo nelyo abanakashi abalaala na banakashi banabo bacita ifya muselu kabili ifishili fya cifyalilwa? (Rom. 1:26, 27) [Aug. 5, g 1/12 ibu. 28 para. 7]
7. Bushe “icilubula ca kwa Kristu Yesu” ico apeele mu 33 C.E, kuti cafuta shani “imembu shacitilwe kale” ilyo icilubula tacilalipilwa? (Rom. 3:24, 25) [Aug. 5, w08 6/15 ibu. 29 para. 6]
8. Nga natupelenganishiwa pa mulandu wa kukwata sana amafya ica kuti tulefilwa no kupepa, Yehova atwafwa shani? (Rom. 8:26, 27) [Aug. 12, w08 6/15 ibu. 30 para. 10]
9. Bushe amashiwi ya kuti “mutwalilile ukusekelela abeni” yalola mwi? (Rom. 12:13) [Aug. 19, w09 10/15 amabu. 5-6 amapara. 12-13]
10. Kuti twakonka shani ukufunda kwa kwa Paulo ukwa kuti “natufwale Shikulu Yesu Kristu?” (Rom. 13:14) [Aug. 26, w05 1/1 amabu. 11-12 amapara. 20-22]