Balefwaisha Ukutamba

MU 1956, bamunyinefwe mu musumba wa Freetown balitambishe ubunkolanya ubwali no mutwe wa kuti The New World Society in Action. Umfweni ifyo balandile:

“Twalisonkeele icikuulwa icikalamba pali fyonse mu Freetown kabili twalipeele abantu utupepala twa kubetilapo 1,000. Nomba tatwaishibe bwino nampo nga ni banga abaali no kwisa. Ilyo kwashele amamineti 30 pa kuti ubunkolanya butendeke, abantu abaishile bali fye 25. Ilyo papitile fye amamineti 15 abantu 100 na bambi balishile. Papitile fye inshita inono ifipuna fyonse 500 ifyali mu cikuulwa fyaliswile. Bambi nabo 100 baiminine fye. E lyo bambi 500 balifililwe ukwingila, baiminine fye pa nse. Twalibepwishe nga kuti batemwa ukutamba pa numa. Balisumine, nangu ca kuti imfula yaleloka pa nse!”

Pa myaka iingi iyapitapo, abantu ukucila pali 80,000 mu Sierra Leone e batambileko iyi filimu e lyo na yambi ayasuma nga nshi.