Balebomfya Baji Nge Citupa ca Kwingililapo mu Calo

Ba Everett Berry, abalebomba bumishonari kale batile, “Mu 1987, abantu ukucila pali 1,000 balisangilweko kwi Bungano lya Citungu ilyaleti ‘Cetekela Muli Yehova’ ilyabelele mu Guékédou, ku Guinea. Apo ukwabelele ibungano kwali mupepi no mupaka wa calo ca Sierra Leone na Liberia, abengi baleya fye no kubwela cila bushiku. Nomba tabakwete ifitupa fya kwingililapo mu calo. Eco bamunyinefwe bamo abali mu butungulushi balilanshenye na balashi ukuti ababwananyina balebomfya amabaji ukwingililapo mu calo kabili balisuminishenye! Bakapokola ba ku borda baleti nga bamona fye abafwele amabaji aya kashikila, babasuminisha ukupita.”