Ubukwebo bwa Maspaisi

MU MYAKA ya ba 1600 ubukwebo bwa maspaisi nangu ifya kulunga mu fya kulya ifya kaceena akasuma fyalilengele ubunonshi bwa calo conse bwaya pa muulu nge fi fine fyaba na oilo muno nshiku. Ifi fintu ifyo balunga mu fya kulya pamo nga nutmeg na cloves ifyalefuma ku fishi ifyo pali ino nshita beta ukuti Maluku na North Maluku ifyaba mu calo ca Indonesia fyaleshitwa sana ku Bulaya.

Abaletandala mu fyalo pamo nga Christopher Columbus, Vasco da Gama, Ferdinand Magellan, Samuel de Champlain, na Henry Hudson balisangile inshila ya kuli ifi fishi. Kanshi aya yene amaspaisi ya ku Indonesia yalilengele abantu baishiba bwino ifyo incende shimo isha mwi sonde shaba.