Snonkaku Riwar Simkei ro Faḇruḇ Ḇeba

Nuh i, kina ḇyesi, ma aiwan sya sisun ḇe wai yadori. Yahwe kyen kedwa ya, ma mekem ya dado. Mekem anya iba fafayaḇa, mura wai ani ipyar fawas. Fawawas, war ya ikawef supswan ine ḇesiper. Snonkaku ḇeḇarḇor ḇero wai anya ḇandiri, simar kam. Mboi, Nuh ma kina ḇyesi sismai payamyum ro wai anya dori. Kwarapan kada, moḇsa na sḇaḇir rai? Na simarisen kaku snar sisouser faro Yahwe I kwar.

Mekem anya dado ro swaf ras ri 40 ma roḇ ri 40, mura imnai. Inja, war na nasyor fawawas, ma muniwara wai ḇeba ani ider ro bon na bo. Mboi, war na naisya kaker ro moḇ nakam. Inja, Nuh ma kina ḇyesi sadobur wai anya ḇeri ḇa.

Fawawas mura, saprop ya isyor. Nuh ma kina ḇyesi sro wai anya dori ro swaf wampasi wambarek oser syadi kwar. Mura, Yahwe ikofen yoḇ si fa sadobur wai ani. Sikofen kasumasa kaku faro Yahwe I kukro fyaspar si kwar. Inja, sḇuk farsarser faro Yahwe I.

Yahwe imarisen kaku faro farsarser sena. Ikofen kaku ḇo doḇe nari myunpres roi nakam ḇero supswan ine bori kuker faḇruḇ ḇeba ya werḇa. Insape randak kaku ifrur sasewi ro farsyos iyaswa fa ḇyekopḇair faro rosai ikofen nane. Wakmam sasewi ro ras oso kwar ke?

Mura, Yahwe iwan Nuh ma kina ḇyesi fa sna romawa ma sibor ro supswan ine bori.