”[Karajan] Bedi Ryama Kada”

Yahwe Ḇyeasas, ’Nari osoḇaḇeri kyanes, iduf, ḇaido imar. Nari yapyos mkaru nakambur mka sena. Roi ḇeḇyeḇa ḇekwarna napromes.’

Yahwe ifrur Yaf Eden faro Adam ma Eva su samaido sumarisen ma suḇeaski. Fandun fa susyom faro Kma suḇedi ro nanki ma suna romawa fa sibor ro supswan. Adam ma Eva susouser ḇe Yahwe ḇa rariryano, Yahwe marisen Ḇyeja nfarwei ḇa. Ro syap ine, komam kada Yahwe ifrur asas Ḇyena fa ndarirya. Imnis ḇyeasas ḇe Abraham i, Karajan Allah nari ḇyuk roi ḇepyum ro supswan ḇesiper ine.

Kero wer, Setan, ḇeso i sya, ma snonkaku ḇeḇarḇor sya nari sipromes. Snonkaku ḇesmai fasaspar sya nari sisyom ḇe Yahwe I. Nari, koduf ḇaido komar werḇa. Ro ras nakam kokbok ido, baken koḇena naprei ma koḇeaski. Supswan ine ḇye Firdaus. Snonkaku sya kam nari sismai roḇean ḇemnis ma rum ḇepyum. Snonkaku sya kam sifrurpyum, simasasor ḇa. Aiwan ḇerarmomen ḇero sup yado sya simkak ko ḇa, ma ko kako komkak si ḇa.

Fyor Yahwe ḇyawes snonkaku ḇemar sya ido, kokame na komarisen kaku. Nari kosrow wer kuker snonkaku ḇemar ro fafisu iwara sya, raris Habel, Nuh, Abraham, Sara, Moses, Rut, Ester, ma Daud. Nari sakfararur kayam fa sakfrur supswan ine ḇe firdaus. Nari fararur ḇepyum nabor naisya ro diwa.

Yahwe imarisen Ausya kako ro dia. Nari mambir pyum I kuker nyan kwara ḇaim na. Indo, kosewar samaido kofanam syadi wer ḇe Yahwe I ro ras ḇe ras, kirine ma isof fyoro-fyoro!