FARKARKOR 18

Buk Farkarkor Ḇeyun Fainda

1 Korintus 9:19-23

ROSAI NA WAFRURI: Wafnoḇek ḇerower Au ya fa kyara resari, insama fyawi farkarkor buk faro i na, nama farkarkor ḇefainda nairi.

Kwarauser ḇerower Au ya rosai fyawi kwar na. Wawos kaḇer monda awer farkarkor fyawi kwar na, mboi wawos farkarkor anya ro nyan ḇese.

Rofyor wawos farkarkor ifawi kwar na, wawos kawanwan awer. Mboi rofyor wawos farkarkor ḇebabo, wafasawsaw awer.
Swewar nabor wer ma wawasen pyum na. Mam pyum insama imbe fasnaiḇair farkarkor ḇefandun na ido, fawar roi snonkaku ḇebor sya sifawi ḇaim na ḇaido roi ḇebabo oso. Kwarauser farkarkor Bena insama nasrow kuker roi fawar kwar anna.

Rofyor fasos farkarkor Bena ido, kwara fakfuken raris ’rosairi, rosai ḇefnai ya, fafisu risai, ro diso, manseiri, ma rariso’. Fakfuken nane na nafnoḇek Au fa kwara nabor syadi wer. Rofyor wun farkarkor anya, buk fakfuken riḇeso ro na ramnai kwarem na. Rarirya, rosai wakofen na nari napyum syadi wer.
Fasnai fainda ro farkarkor wun anya. Fasnai ḇe ḇerower Au ya snar ananun ro Refo nari nafnoḇek i ro kenem ḇyena. Wawos roi oso ido, mam pyum insamaido roi wawos anna fyawi pyum na kwar.