Sasar fa Koḇefafardun Ke?

Ras oso ḇekandera snar wasma dafduf ke? ­Imbude na waprei fasaw inja ḇefnder kwar fafisu ya. Ḇape, fafardun ya imnis rariryaḇa. Dr. Alan ­Wolfelt fyas ro syap Healing a Spouse’s Grieving ­Heart, ”Roi oso ḇaḇeri na ’ḇefrur mnai’ fafardun ya. Ḇape ­orasya ḇyenande ma kuker sansonem ro kina ma ḇesesya, fafardun ya nari napromes.”

Imnis raris, wawasen kada rosai ḇeḇejadi ro ­patriark Abraham i rofyor swari ryoburi. Ro ­fasfas Refo ḇeknam kaku ya, ikofen snar ­”Abraham ­ḇyerak fa ḇyefafardun ma kyanes Sara i.” Wos ”ḇyerak fa” kyurfasna fyandun oras fa iprei ro ­fafardun ya.a Contoh ḇese iso Yakub i, sankar i ­fa ikyar snar romawa ḇyedi Yusuf i aiwan ḇeyan ḇepek oso myuni fa imar. Ḇyefafardun ”fafisu ras ḇe ras”, ma kina ḇyesi jadiḇa fa sḇuk sneprei ḇe i. Taun ḇeḇeso ramnai, marmar Yusuf ḇyedi pok fa ḇyefnderna ḇa.​—Kejadian 23:2; 37:34, 35; 42:36; 45:28.

Rarirya kako ro baboine snonkaku ḇebor ­sfafardun snar snonkaku sfanam si srobur si. Kwarapan contoh risuru ine.

• ”Snonswa ayedi, Robert i, imar ro 9 Juli 2008. Ro arwo fafisu roi ḇemun ḇeḇekuri ya, imnis kuker ras-ras ḇesena. Rofyor rya fa fyararur ḇaime ­nunan ro arwo ya ramnai, nusyum yaye nu, nufor nu, ma nukofen ’yaswar au’. Taun riwonem ­ḇyenande, ḇape yaḇefafardun kaker. Yabor ya-ḇerari pok fa yaḇefnder Rob marmar ḇyedi ḇa.”​—Gail, ḇyeumur 60.

• ”Yemir ro taun ri 18 kwar kuker binswa ayedi ḇa, ḇape yamander kaker i ma yaḇefafardun snar ryobur aya. Fafisu yamam moḇ ḇepyum ido na yaswarepen ḇeri ḇe i, ma yawasen na imarisen kaku fa myam rosai yamam na.”​—Etienne, ḇyeumur 84.

Inja ḇaḇesneso ma sneḇaḇir ḇeradirya inema sneḇaḇir ro snonkaku ḇaken saprop dirya. Snonkaku oser-oser fyasna fafardun ḇyedi kuker nyan ḇeḇese faro roi ḇeḇyeḇa ḇekur si, ma ipyumḇa fa koḇemankara si. Mankun ko kako, na pok fa koḇuk sasar ya ḇe mankun ko awer rofyor koḇaḇir koḇefafardun fafaya ḇa. Rariso na kofrur mnis fafardun koḇena rai?