”Snonkaku Ḇembran Mnis kuker Yahwe Sasoser Ḇyena”

Kombran mnis kuker Yahwe sasoser Ḇyena nane kyurfasna komarisen kokunem faro Allah farkankin Ḇyedi. Refo naser farari ḇebor ro snonkaku ḇesouser Yahwe sasoser Ḇyena ma ḇefanam faro I imnis manḇefas mazmur i.

Nari kosmai marasrisen ḇekaku rofyor kombran mnis kuker Allah sasoser Ḇyena

119:1-8

Yosua fyasna snar ikyar kaku faro farkankin ro Yahwe I. Ifawi insama ismai aski ma payamyum ido, fandun fa ikyar kuker sne ḇesiper faro Yahwe I

Allah Wos Ḇyena nḇuk ḇaḇebri kofandun na rofyor kosmai farawrowes ro kankenem koḇena

119:33-40

Rofyor ismai roi ḇesamswen, Yeremia ḇyebri ma isnefer pdef ḇe Yahwe I. Ifrur kankenem ḇyedi ipyan ma fyarmku fa ifrur fararur ḇyena

Kuker kona fawawi ḇemnis kaku ro Refo na nḇuk kakakyar ḇeko fa koḇaryas

119:41-48

Paulus imkak ḇa fa irwas Allah anun Ḇyena ḇe snonkaku sairirya kam. Ikyar kaku nari Yahwe ifnoḇek i rofyor ḇyaryas kuker makak ḇa ḇe Gubernur Feliks i

Ro moḇ sairirya monda fandun fa yaḇebri rofyor yaḇaryas ḇe snonkaku ḇesesya?

• Ro rumfarkor

• Ro moḇ fararur

• Ro kina

• Ro moḇ ḇesena