Koḇekir Syadi ro Fararmyan Koḇena​—Ḇaryas kuker Ḇerandak Awawos Bena

Yesus ḇyuk kesaksian ḇeresmiḇa ḇe bin Samaria oso snar ḇyerandak awawos ḇyena kuker dawos ḇe i.  Rariso koḇekir syadi fa korandak awawos koḇena kuker snonkaku ḇerama ro sup eḇese sya rai?

• Kawos pyum yoḇ snonkaku sya. Yesus imor kwar, mboi ḇyesewar fa ḇyerandak awawos ḇyena kuker dor war ḇeyinem. Inja kakḇerandak awawos koḇena kuker kokofen arwo ḇe si, ramnai imbude kawos moḇsa cuaca ro ras anya, ḇaido roi oso ḇeḇejadi kwar ro ras anya. Koswarepen, fandun ro randak yaiso koḇe kofafyar monda. Inja, kawos monda rosai na ḇefrur snonkaku ani imarisenna. Rofyor sawos ḇa ma sfasis monda, mkokara faḇye awer na, roi oso ipromes ḇa. Ḇesewar wer fa wawos kuker snonkaku ḇesesya. Wor fa Yahwe ḇyuk ḇaḇebri ḇe Au.​—Neh 2:4; Kis 4:29.

• Rofyor swaf nasya fa ḇaryas abar ḇepyum ido, wawose mboi fasawsaw awer. Mam insama farfyar nambran ndarirya monda pdef. Fyor wawos ankankinem ḇeḇye ḇeri ido, nari snonkaku ani ḇyabir iknon ḇa ma imewer fa dawos di. Fafko awer fyor awawos ya namnai ḇaido namuk fafisu buk kesaksian ḇaim. Rofyor wamkak fa ḇaryas ankankinem ḇeḇye ido, nyan ḇepyandam iso ḇerandak awawos bena kuker wafarfyar monda boi buk kesaksian awer resari. [Fasnai ma wawos vidio 1.]

• Wasewar nyan fa buk kesaksian. Wawos roi ḇefasnaiḇair kakyar bena, inja snonkaku ḇerower ani imarisen fa ifawi nabor wer. Yesus ifrur wos ḇyena napyum inja nadif bin ani fa ifuken ker. Fafisu ikofenḇair ankankinem ḇeḇye kwar, kakuya kyarem fakfuken ro bin ani monda. [Fasnai ma wawos vidio 2, ramnai fasnai ma wawos vidio 3.]