Kwinfir Pyum Hiburan Na

Rosai ḇefnai fa kokinfir pyum hiburan na? Snar fyor kokinfir felem imbe komam, dow korower na, situs web komam na, syap kowasya na, ḇaido video game kofnak na, naiso roi kokinfir fa kosun na ro swaruser koḇena. Roi kokinfir na nawyae kenem koḇena. Faḇye kaku, hiburan ḇebor ḇero baboine naser roi Yahwe dayin kaku na. (Mz 11:5; Gal 5:19-21) Iso ḇefnai fa, Refo danun kaku ḇe ko fa kokara ker roi ḇeyun sanandik faro Yahwe I.​—Flp 4:8.

MAM VIDIO HIBURAN ROSAI YAMARISEN YA? RAMNAI KWAREM FAKFUKEN ḆEUSER NANE:

• 

  Rosai ḇemnis ro farfnak gladiator ḇero Roma fafisu iwara ma hiburan ḇero baboine na?

• 

  Rariso naek srar ḇero sidang sya sifnoḇek romawa babo si fa skinfir pyum hiburan na?

• 

  Rariso Roma 12:9 ifnoḇek ko fa kokinfir hiburan na?

• 

  Rosai monda hiburan ḇepyum ḇesya ro moḇ bedi?