Kenem Ḇesren ma Syowi Nun Fainda faro Farḇakḇuk ya

Kenem ḇesren ro binswa Kristen na nafnoḇek swa ḇena kakyar oser ḇa sya sakmarisen faro kakaku ya. Ḇape, imbude fandun fa simkuepen ro fafisu ḇesamswen ro swaf kawan. (1Ptr 2:21-23; 3:1, 2) Binswa Kristen disau mboi swambri ifrur pyum Au ḇa ido, wasusu awer fa wakafyo ḇarḇor ya kuker ḇaḇye ya. (Rm 12:21) Imbude swambri imewer ryower roi wakofen ḇekur Yahwe I. Ḇape, fyor myam syowi Bena na nya kakara ḇepyum faro kakaku ya.

Swewar kaku fa mambirpyum swambri kakara ḇyedi. (Flp 2:3, 4) Fasnaiḇair rari ḇaḇaḇir oser ma ḇaḇenabye, ma wambranmnis fakamamar ḇedi ḇe binswa. Warower pyum swambri. (Yak 1:19) Ḇekaḇaḇaḇ ma fasnaiḇair ḇe swambri snar Auma waswar kaku i. Iḇasyadi fafisu swambri fyasnai ḇaḇenabye ma syowi yoḇ Au ḇa, wakyar Yahwe ḇyesyowi kaku soasuser Bedi.​—1Ptr 2:19, 20.

MAM VIDIO YAHWE SYAMBRAḆSER AYA INSAMA YAFARMKU, RAMNAI KWAREM FAKFUKEN ḆEUSER NANE:

• Imnis rariso Grace Li kankenem ḇyedi rofyor fyarbuk babo?

• Rosai ḇefrur fa Grace Li imarisen fyarkor Refo ya?

• Fyor ḇyebaptis raposa rariso Srar Li fyarmku pdef rofyor ismai roi ḇedwarek?

• Rosai Srar Li ikofen ro nadi rofyor inadiwarek swari?

• Barakas rosai Srar Li ismai na snaro fyasnai kenem ḇesren ma syowi?