Wamarisen Buk Oras ma Samambraḇ Bena Ke?

Imnis ra Yesaya ḇardi kwar, fafisu ine organisasi Yahwe ḇero  supswan ine isya iryewen kaku. Roi ine nejadi ḇaim imnis kirine na! (Yes 54:2) Snar roi ḇeḇejadi nane, fandun fa sḇawes Balai Karajan, Balai Kebaktian, ma fasilitas cabang nabor syadi wer. Ramnai, aidoram anna fandun fa sfaduru pyum na, boi aidoram ḇeḇeso fandun fa sifrur mnis na wer. Inja, rosai monda na kofrur insama koḇuk oras ma samambraḇ koḇena faro Yahwe fararur Ḇyenane?

• Koso warpu fa kofrur sren Balai Karajan kuker raryur ro ḇaḇeḇaryas koḇedi

• Koso pelatihan fadaduru Balai Karajan

• Koser formulir Permohonan Sukarelawan Rancang/Bangun Setempat (DC-50) fa kakfnoḇek ro fararur ḇaḇawes ma fadaduru ḇero moḇ koḇedi

• Koser Permohonan untuk Program Sukarelawan (A-19) ma koḇe sukarelawan fa kofnoḇek fararur ro Betel ḇaido fasilitas cabang ḇesena ro wilayah cabang koḇedi, ro minggu oser ḇaido syadi

MAM VIDIO SERANDAK FARARUR BABAWES ḆEBABO OSO— FASASNA ḆEKNAMPU, RAMNAI KWAREM FAKFUKEN ḆEUSER NANE:

• Ro taun 2014, rosai ḇeḇejadi kuker vidio ḇebor organisasi koḇedi sifrur na?

• Snar fandun fa kofrur vidio nabor syadi wer, inja fararur (proyek) risai sisya sfasos kaker na, ma fararur ani na imbran swaf rifis?

• Rosai monda na sukarelawan sifrur fa sifnoḇek fararur ani?

• Komarisen kofnoḇek fararur ḇaḇawes ro Ramapo, rosai ḇefnai fandun fa koser formulir (DC-50) ma kofnoḇek fararur Rancang/Bangun Setempat ḇero moḇ koḇedi?

• Rosai ḇefasnai kaku Yahwe fyarkin fararur ani?

• Jadi fa kofnoḇek fararur ḇaḇawes ani ḇa ido, moḇsa na koḇuk fafnoḇek rai?