Kosouser Pdef

1. Souser pdef, kuker saswar,

Faro Allah Yahwe I.

Koine umat ḇeḇekunem,

Maris’n ’fawi p’renta na.

Kuker koso mnis ananun,

Na ken’m koḇena namnis.

Isouser, kokyar ḇe I;

Komaris’n fanam I pdef.

2. Souser pdef, ma kokyare,

Faro naek koḇesi.

Kofasnaio ḇaḇesyowi

Rofyor sefandun kaku.

Syowi ḇe naek koḇesi

Kuker snemun ḇesiper.

Kofanam pdef faro sikam,

Ananun Wos Refoya.

3. Souser pdef, ma kokunem,

Faro manwawarek sya.

Sne koḇena ma swaruser

Frurpyum wos ananun ya.

Kosmai barakas ro Yahwe

Bebuk samambraḇ ḇe ko.

Kosouser rarya ido,

Yahwe iso inya ko.