Manseiso Ḇeḇeknam Kaku ro Dunya Ine?

ROSAI REFO ḆYADIR NA

”Supswan ḇesiper ine isya ro papoik Ibirisya.”​—1 Yohanes 5:​19, Wos Ḇyak ro Rasras.

”Allah Rumkun ḇyedi ryama . . . insa kyakok Ibirisya fararur ḇyena.”​—1 Yohanes 5:​19, Wos Ḇyak ro Rasras.

NUN PAYAMYUM ḆE AU

Na wafawi rosai ḇefnai fa roi ḇeḇarḇor naisya ro dunya ine.​—Wahyu 12:12.

Wasmai kakyar fa nari dunya ine ipyum syadi wer.​—1 Yohanes 2:17.

RARIRYA KOKYAR FARO SA REFO ḆYADIR NA KE?

Imbo. Isoine nyan rikyor:

• Papoik Ibiris ya isya nari imnai kwar. Allah Yahwe fyasnai na kwar. Ḇyeasas nari ”kyakok . . . Ibiris” ma fyasos kaḇer roi ḇeḇyeḇa Ibiris ifrur na.​—Ibrani 2:14.

• Allah kyur Yesus Kristus i kwar fa ḇyepoik ro dunya. Yesus imnis kaku ḇa kuker Ibiris ḇemaḇak ma fandun mankundi. Allah ḇyeasas kuker sasoser Yesus ḇyedi, ”Na iswar snonkaku sefaduru sya ḇa ma ḇefrur saneso . . . na fyaspar bur si ro kandera ma ḇarḇor.”​—Mazmur 72:​13, 14, Terjemahan Dunia Baru.

• Allah ipok fa ifrowes ḇa. Refo ya fyasnai na, ”Allah isrer ḇa.” (Ibrani 6:18) Rosai Yahwe ḇyeasas kwar na, ndarirya! (Yesaya 55:​10, 11) ”Papoik supswan ine ḇyeḇesawen ḇe ḇondi.”​—Yohanes 12:⁠31.