Yakub Iso Ḇesmai Waris

Rofyor Ishak ḇyeumur taun ri 40, fyarḇuk kuker Ribka i. Iswar kaku Ribka i. Suna romawa snon ḇesaper.

Ḇepon ya snoriso Esau, ma kasun ya snoriso, Yakub. Esau ima syae ker ro rum, ma ima snon ḇepamnanem aiwan diri. Mboi, Yakub ima imarisen ḇyarek ro rum monda.

Ro fafisu ani, rofyor kma oso imar kwar ido, na ḇesmai rarwas saprop ma pipi ḇebor syadi iso roma ḇeponi. Roi nane sap na ḇe waris. Yahwe asas Ḇyena faro Abraham i, nama waris kako nairi faro Ishak kina ḇyesine. Esau dakfandun mankun faro asas anya ḇa, mboi Yakub imande fyawi asas anya fyandun kaku.

Ras oso, Esau imbrus fafayaḇa kukro rya syasewar ro ras anya ḇesiper. Rofyor ibur ḇe rum, nyasḇir roḇean Yakub ikun anya nasnarem pyum kaku. Mura doḇe, ’Yaḇiser kaku! Buk roḇean ḇerik wakun anya kero ke!’ Yakub doḇe, ’Imbo na yaḇuk kero, mboi wakofen kaku ḇepon ari, waris wasmai anna nari buk na ḇe aya kada!’ Esau ikofen ḇo doḇe, ’Wun na mura, yafandun na ḇa! Ayama yaḇe yanan monda.’ Wakkara rariso, roi Esau ifrur nane napyum ke? Oroḇa. Esau fyadwer roi ḇesyowi kaku anya kuker roḇean ben oser monda.

Rofyor Ishak ḇyemansar kwar, imbe ḇyuk barakas faro roma ḇepon ḇyani. Mboi, Ribka ifnoḇek roma eḇesuru suḇedi Yakub i, insama iso ḇesmai barakas anna. Rofyor Esau ifawi roi ine, imsor fafayaḇa ma ifrur aw fa imbe myun naek ḇesaper ḇyedine. Ishak ma Ribka susewar fa sukadaunwarek Yakub i, inja sukofen yoḇ i, ’Rwamura ma ḇarekus imem bani, Laban i, isof Esau imsor ra imnai ari.’ Yakub ryower sinan ḇyesu ma rya ḇeri ḇe diwa.