Kofaduru Sne Koḇena

1. Kofaduru sne koḇena,

’Ḇinkwanbur sasarya.

Allah myam kosnesna dona,

Nasnai ro ken’m ine.

Fafisu ono ifrow’s ko

Mura kombran sasar.

Komam pyum kosnesna dona

Kosouser Yahwe.

2. ’Fasos kosnesna ḇe Allah

Kuk’r konadi sambraḇ.

Koḇuk syowi, kasumasa,

Snar kadaun Ḇyena.

Rosai Yahwe fyarkor ḇe ko,

Komaris’n koso na.

Kofaduru sne asuser,

Kofrur imarisen.

3. Sne koḇena idwar’k ko ro

Swaruser ḇesasar.

Koḇuk Wos Refo nsun ro sne,

’Nsa kosren ma ’sambraḇ.

Yahwe iswar ḇesouser;

Nafrur fa kokyar I.

Kosyom I kuk’r sne ḇesiper

Snar ḇyebati kuk’r ko.