DOYA 91
Nkofararur Marḇak Snar Saswarya
Ḇesnai ra Syap
(Mazmur 127:1)
1. Yahwe, fafisu ine
Nkoḇenadi ro nkosnesna.
Nkosmai sneprei snaro wamaris’n
ḇesyowi inko!
Buk barakas Beja kwar,
Ro fararur marḇak ine.
Kuk’r ḇramin nkoḇena, nkoḇawes
Rum ḇesren Bedi.
(REEF)
Yahwe, kaku buk kakyar ḇe nko
Fa nkoḇawes moḇ faro Au.
Rarirya nkofarmyan pdef ḇe Au ro ras nakam
Ken’m nkoḇena nkosandik Au.
2. Nkoine kam nkomarisen,
Ma nkokam nkoḇe maniḇoḇ!
Na nkopok nkoḇefnder fawar ḇepyum
ḇekain fyoro!
Buk rur ḇesren Beja kwar,
Inja nkofararur kayam.
Barakas ḇeba snar nkoḇansuba
Snonsnon Bedi!
(REEF)
Yahwe, kaku buk kakyar ḇe nko
Fa nkoḇawes moḇ faro Au.
Rarirya nkofarmyan pdef ḇe Au ro ras nakam
Ken’m nkoḇena nkosandik Au.
(Mam kako Mz. 116:1; 147:1; Rm. 15:6.)