Rari Frur Pyum

1. Sye Yahwe, Allah ḇefrur pyum,

Bebarakas kaku nko!

Wasren ma wasouser pdef,

Nyan Bena kam napyum ra.

Fasnai saswar ma payasyos

Faro sasar nkoḇena.

Wasyus fa nkosyom faro Au,

Nkoryaḇ nkofarmyan ḇe Au.

2. Kawasa Bansi sifasnai

Frur pyum ma syowi Bena;

Ro kenem sena ro rasras

Ma ro ḇaḇeḇaryas ya.

Manfarandows ma farkarkor

Roro Au nbuk bon ḇepyum.

’Rirya nkor rur ḇesren Bedi

Insa nkakfasnai frur pyum.

3. Beb’rakas frur pyum nkoḇena

Ḇe naek srar nkoḇesi.

Rarirya nkofasnai syadi

Frur pyum ḇe min nkoḇesi.

Ro kina dori ma sidang,

Ma moḇ nkoḇarek ro na,

Kuk’r fafnoḇek ro rur Bedi,

Na nkofrur pyum ḇesya kwar.