FARKARKOR 14

Wafrur fa Farkarkor Ḇefandun Na Nasnaibos

Ibrani 8:1

ROSAI NA WAFRURI: Wafnoḇek ḇerower Au sya fa sakso ro faya Bena. Fasnaibos kaku fasfes ro farkarkor ḇefandun na oser-oser kuker roi ḇefnai fa wakofenḇair faya Bena ma knam ro faya Bena.

MOḆSA WAFRUR NA RAI:

Kwarauser roi ḇefnai fa wakofenḇair na. Mam pyum roi ḇefnai fa wakofenḇair faya Bena. Imbude insama buk ankinem, wafnoḇek si fa sikyar, oroḇaido wadif si fa sifrur na. Ramnai, mam pyum insama farkarkor ḇefandun nakam nasrow kuker roi imbe wakofen na.

Kwarapan: ’Fakfuken ḇaido roi risai imbude ḇerower ansine sifakfuken kaker ro awawos ine? Fakfuken ḇaido roi risai nari sifuken ḇepon na? Ramnai, rosai nari sifuken wer?’ Wasyos pyum farkarkor ḇefandun na imnis syos ro fakfuken ḇero ḇoiyasne insama ḇerower Au sya siso na, sifawi na, ma sakkara raris rosai wakofen na.
Fasnaibos knam ro faya Bena. Ro swaf wun faya Bena, fasnai fawar ḇyena kuker wap kaḇer knam ro faya anna ḇaido wos ḇemnis fanam.
Wafrur fa farkarkor ḇefandun na nasnaibos ma napyan monda. Kwinfir farkarkor ḇefandun ḇena fasfes kuker knam ro farkarkor ani. Wakofenḇair pyum farkarkor ḇefandun anna oser-oser imnis oras sap kwar ro faya ani. Farkarkor ḇefandun anya nabor mankenem awer, ma fasnaibos farkarkor anya oser-oser. Imbe swun ḇe farkarkor ḇeuser na ido, wamnai resari insape wawos wer mboi wafrur na fa nambran pyum.

Randak wun faya Bena, wakofenḇair farkarkor ḇefandun ro faya anna kam insamaido naek srar sya siso pyum na. Oroḇaido wap kaḇer farkarkor ḇefandun anna wer ro pupes faya Bena insamaido sḇefnder na ḇa.