Koḇekir Syadi ro Ḇaḇeḇaryas Koḇena​—Kobuk Fakfuken faro Rarama Kaḇer

FANDUN FA:

Fandun fa koruḇ mor napnapes koker kwarna. (1Kor 3:6) Inja, rofyor kosrow kuk’r snonkaku oso ḇemarisen ḇerower, ipyum kaku fa kobuk fakfuken oser na kowawosna rofyor ko kaḇer. Ine nari ḇefrur fa iryaḇ fa ifawi nabor kuker kankarem ya ma napyan fa kofrur fasasos faro rarama kaḇer ya. Rofyor kokaḇer, na kokofen ḇe i korama fa kobuk kankarem faro fakfuken kobuk kwar ro rarama randak ya.

NYAN YA:

• Rofyor wafrur fasasos fa ḇeḇaryas ro rum ḇe rum ya, wafasos kako fakfuken na wakarem ro rarama ḇeḇeuser ya. Imbude kankarem ya isya ro lektur buk faro ḇena rum ro ras ya. Ḇaido fakfuken oser kankarem ya isya ro syap farkarkor nari wafasna ḇe i rofyor kwaḇer wer.

• Rofyor wasisen wawawos kuker snonkaku ḇemarisen ḇerower ya, wafasna ḇe i wamarisen kaker wawawos kuker i ma ramnai buk fakfuken wafasos kwarna. Ipyum syadi nwa ma wafas snonsnon ma kankon ḇyedi.

• Wakofenḇadir ras na rwama kaḇer ḇe i ido, wafrur rarirya kada.​—Mat 5:37.