Snonkaku ḇefrur munara Swarapepen marmar Kristus ḇyedi ro Jerman
Fasasna Fa Kofari Na
NA BABE KANDERA BYE NANDE KE?
Fakfuken: [Fasna ram randak ro syap mkun ya:] Karkara ḇedi rariso na ḇaḇekandera ḇyenande ke?
Mnuk: [Fasna ram ḇeḇe 2] Fasasna Faro Yohanes 21:3, 4
Wos ḇefarkin: Nari wamarisen kaku fa mam roi ḇeḇeso ḇepyum na ḇeḇejadi ro supswan ine. Syap mkun ine na fyasnaḇair ḇe au rosai ḇefnai fa kokyar kaku fyoro werḇa ḇaḇekandera na ḇyenande.
MANSEISO BEBEKNAM KAKU RO DUNYA INE?
Fakfuken: [Fasna ram randak ro syap mkun ya:] Karkara bedi ido bramin manseiso komam ro sonin ine? Manseiso ḇeḇepoik ro dunya ine?
Mnuk: [Fasna ram ḇeḇe 2] 1 Yohanes 5:19
Wos ḇefarkin: Syap mkun ine na fyasnaḇadir ḇe au rosai ḇefnai fa kokyar kaku nari dunya ine neḇefadwer fa napyum syadi.
SYAPRAM FARARYOR MUNARA SWARAPEPEN
Wos ḇefarkin: Komarisen koḇuk syapram fararyor faro munara ḇefandun kaku. [Buk oser ḇe snonkaku ḇena rum ya] Ro tanggal 23 Maret, snonkaku ḇebor ro supswan ḇesiper nari sifanjur kayam fa sifrur munara swarapepen marmar Yesus Kristus ma srower faya ḇeknam ro Refo ḇeyun ḇaḇyakḇa ḇefasnaḇadir rariso marmar Yesus ḇyedi nun fainda ḇeko. Ro syapram ine sfas oras ma moḇ sifrur munara ine ro moḇ koḇedine. Wamarisen ido na rwama.
WAFRUR FASASNA MANKUN BEDI
Buk fasasna ine fa wafrur fasasna mankun ḇedi.