KODIF MANKUN KO RO ḆAḆEḆARYAS
Koḇensewar Fa Koḇekir Syadi Ro Fararmyan—Wafrur Fasasna Mankun Bedi faro Syap Oso
ROSAI FANDUN YA: Fasasna fa kofarina ssfasos kwar ro syapram farkarkor nḇuk nyan ḇepyum fa ḇefnoḇek au, ḇape inema contoh monda. Fandun fa buk kuker wos mankun ḇena. Imbude wamarisen fa buk nyan ḇeḇese rofyor wawos kuker snonkaku ḇese sya ḇaido kwara roi oso ḇese ḇesrow kaku kuker fandandun ro snonkaku ro moḇ waḇaryas ya. Inja rarirya ido, wawasya kwar syap ya, kwarapan fasasna sfas ro syapram farkarkor, ma mam vidio na, wafrur fasasna mankun bedi kuker nyan ḇeḇeuser ine.
RARISO WAFRUR NA RAI:
Wafuken ro mankundaw, ’Na yamarisen fa yaḇuk fasasna oser ine ro ḇaḇeḇaryas ya ke?’
IMBO
Wafasos wos ḇefarkin. Wakofen aroo faro ḇena rumya ramnai, kuker wos ḇepyan dam wakofen ḇe i rosai ḇefnai fa rwama ya. (Imnis raris: ”Yarama ḇedine snaro . . . ”)
Kwarapan rosai na wakofenna fa wafarkin i rofyor buk fakfuken, wasya mnuk oso, ma rofyor buk syap oso ḇe i. (Imnis raris: Infa wafarkin i ḇe mnuk oso, na wakofen, ”Na kankarem ḇepyum faro fakfuken ani nari kosmana ro dine.”)
AROBA
Kwinfir artilkel wamarisen kaku ro syap oso ḇesrow kuker fandandun ro snonkaku ro moḇ waḇaryas ro na
Kwinfir fakfuken rosai na wafuken ḇe i insama kyarana ma wawawos kuker i ḇape buk fakfuken ḇefrur samswen ḇe ḇena rumya awer.
Kwinfir mnuk oso fa wasya na. (Bisa fa wawasya ḇeri ro Refo ḇaido mnuk sfasna ḇero syap ya, nyan rosai kwinfir ya napyum syadi nasrow kuker moḇ ya. Ḇaido bisa fa wap wos ḇero mnuk oso.)
Wafasos wos ḇena fa wafasnaḇair rariso ḇena rumya nari isma fainda ro syap ya
ROSAI MONDA KANKAREM BEDI
Wafasos fakfuken oso ḇese fa wakarem ro rarama kaḇer
Wafrur fasfas insama nafnoḇek au fa waswarepen rosai nari wakofen ro fafisu warama kaḇer ya