Buko JW Library ya Kwar Ke?

JW Library iso aplikasi ḇeyor ḇaḇyak ḇa na ḇefnoḇek au fa ḇe-download Refo ma publikasi ḇesena, vidio, ma program audio faro handphone, tablet, ḇaido komputer bedi.

NYAN FA KOSMANA: Ḇe-online ḇaido bas Internet, ma ḇe-install JW Library ro app store (toko aplikasi). Aplikasi ani fyasos faro perangkat nakame. Rofyor ḇe-online, bas aplikasi ya ma kwinfir ḇar oso wamarisen fa ḇe-download ro hp ḇaido tab bedi. Jadiḇa fa ḇe-online ro rum bedi ido, imbude na wafrurna ro Balai Karajan, perpustakaan umum, ḇaido ro moḇ sfasos kwar faro Internet na. Ḇe-download kwar publikasi na ro hp ḇaido tab bedi ido, fandunḇa fa bas na kuker koneksi Internet wer. Snaro fitur ḇebabo na naisya pdef ro JW Library, inja fandun fa ḇe-online pdef ma naisya kwar ido ḇe-update aplikasi na.

ROSAI ḆEFNAI FANDUN FA KOSMANA? JW Library ipyum kaku faro farkarkor mankun koḇena ma rofyor kosouser fananjur ro sidang. Ine kako napyum faro ḇaḇeḇaryas, ibasyadiwer rofyor kobuki ḇaryas ro moḇ nakam.