Yahwe Farkarkor Ḇyena Nekafyo Kakara Ḇesasar

Yahwe myam rarwas snonkaku sya ḇa. (Kis 10:34, 35) Imarisen faro snonkaku ḇerama ”ro ersya kam, keret, kawasa ma wosna.” (Why 7:9) Inja, kakara ḇesasar ḇaido mam rarwas snonkaku ima nasya ro sidang Kristen yaḇa. (Yak 2:1-4) Kokofen kasumasa faro Allah farkarkor Ḇyena, inja kosmai payamyum ro firdaus rohani moḇ komam snonkaku sya sfadwer kankenem sena. (Yes 11:6-9) Rofyor kosewar kaku fa kosawen kakara ḇesasar kermkun ro sne koḇena ido, ima kofasna snar koma kofarari ḇaido koso asuser Allah I.​—Ef 5:1, 2.

MAM VIDIO JOHNY DAN GIDEON: DULU MUSUH, KINI SAUDARA. RAMNAI KWAREM FAKFUKEN ḆEḆEUSER NANE:

• Rosai ḇefnai fa farkarkor ḇerama ro Allah nakaki syadi ro snonkaku sya sasewar sena fa sipyos ḇaḇemamam rarwas ma kakara ḇesasar ya?

• Rosai ḇefrur fa wamanen kaku faro ḇaḇemanbekanaek koḇedi ro supswan ḇesiper?

• Rariso kofaduru ḇaḇeoser Kristen koḇena nun sanandik ḇe Yahwe I?