Buk Syap kuker Fawawinanem ro Ḇaḇeḇaryas

Yesus ḇyuk farkarkor, ”Mkosma waworekna monda kwar, inja mkakḇuk waworek kako.” (Mat 10:8) Kosouser farkankin ine kuker kor ḇaḇyak ḇa ro snonkaku sya rofyor koḇuk Refo ḇaido syap ḇeknam ro Refo ḇe si. (2Kor 2:17) Rarirya ido, publikasi nane naser napnapes ḇeyun fainda kaku ro Allah Wos Ḇyena. Kuker fararur marḇak ma pipi nabore, syap-syap anna sifrurna ma sfarem ḇe sidang-sidang ḇero supswan ḇesiper. Inja, kun monda imnis fandandun koḇena.

Rofyor koḇuk publikasi ḇe snonkaku ḇesesya, iḇa syadiwer rofyor koḇaryas ro moḇ kawasakam ido, fandun fa kona fawawinanem. (Mat 7:6) Koḇuk monda awer faro snonkaku ḇembran sya, ḇape kosewar swaf fa kawos kuker si fa kofawi sima simarisen ke roḇa. Bisa fa kwarem fakfuken oser ro fakfuken ḇero kotak ke? Rofyor kofawi ḇa snonkaku oso imarisen ke roḇa ido, ipyum ya iso koḇuk syapram ḇe i. Kakuḇae, rofyor dor majalah ḇaido publikasi ḇesena ido, nari komarisen koḇukna ḇe i.​—Ams 3:27, 28.