KANKENEM KOḆENA ḆE SNONKAKU KRISTEN

Wafnoḇek Kina Bedi fa Siswarepen faro Yahwe I

Yeremia ismai parenta fa ḇyuk swarapepen faro snonkaku Yahudi sya kuker farmakakok nari ḇerama ya snaro sḇefnder Allah seja, Yahwe I. (Yer 13:25) Rariso sro fafisu ḇeradine rai? Kina-kina ro snonkaku Israel sya sfaduru ḇaḇebati sena kuker Yahwe I ḇa inja napromes. Roi ḇefnai ya isoine snar ḇebukor ro kina sesya sisouser faro Yahwe farkankin Ḇyena ḇeḇefas ro Ulangan 6:5-7 ya ḇa.

Kina ḇena sinan ḇeḇero mankunsi sismai marasrisen rofyor sifrur Nadi ro Kina sena; kina oso ḇyuk peta fa sḇukimam moḇ-moḇ ḇero Refo rofyor sifrur Nadi ro Kina

Imnis rarirya kako, ro baboine sidang-sidang nari sisambraḇ rofyor kina ḇero dori na sna ḇaḇebati ḇesambraḇ kuker Yahwe I. Ḇebukor ro kina sya bisa sifnoḇek kina sesi fa siswarepen Yahwe I kuker sifrur pdef ma sfasos pyum Nadi ro Kina sena. (Mz 22:27) Mam vidio ”Perkataan Ini . . . Harus Ada di Dalam Hatimu”—Wawancara Keluarga, ramnai, kwarem fakfuken nane:

Kina ḇeḇeso sya sismai roi ḇedwarek fa sifrur nadi ro kina sesya, ḇape rariso sifrur mnis na rai?
Barakas rosai monda sismaina snar sifrur pdef ma sfasos pyum Nadi ro Kina sesya?
Rofyor yafrur nadi ro kina, roi ḇedwarek risai yasmaina, ma rariso yamam na rai?