Kosaser Si kuker Marisen

Manseisirya? Mansei monda ḇerama ro fananjur Kristen koḇedi, isoine snonkaku ḇerama babo ḇaido bati ḇekwar kobansi. (Rm 15:7; Ibr 13:2) Imbude naek koḇesi ḇeramaker sup ḇese ḇaido snonkaku Kristen ḇeaktif ḇa fyoro kwar mboi insape srama sakso randak wer ro fananjur. Auso ḇero fafisu ḇeradirya ido, na moḇsa ḇaḇir rai. Na wamarisen kaku rofyor sisaser Au ḇae. (Mat 7:12) Inja, ro fananjurya ḇaim ma fananjurya posa, komarisen koḇesewar kaku fa kosaser snonkaku ḇerama ro Balai Karajan. Nane nafrur fa fafisuya nafo kuker marisen ma saswar ma nun sanandik faro Yahwe I. (Mat 5:16) Kakuḇae, na jadi fa kawos kuker snonkaku oser-oser ḇerama sya ḇa. Imbape, rofyor koḇesewar fa kofrur roi ine ido nari snonkaku syakam sḇaḇir kosaser si.a

Kofasnai frurpyum koḇena ro munara ḇefandun kaku raris munara Swarapepen monda ḇa, ḇape ro fafisu risai monda. Rofyor snonkaku ḇerama babo sya smam ma sḇaḇir saswar Kristen ro fananjurya ido, nari nadif si fa sisandik Allah ma siryur kayam kuker ko ro ḇaḇesamsyom ḇekaku ya.​—Yoh 13:35.