Fasnai Syowi ro Ḇarpon Kedwa

Snonkaku Kristen sima sḇe ”mamam roḇarpon snonkaku” sya. (1Kor 4:9) Iso ḇefnai fa, kokandor ḇa fyor ḇena rum ya myam ko ro kekḇir ḇaido ryower ko ro ḇandum. Rum ono sisya srir kamera ma mikrofon insama ḇena rum ya myam, ryower, ma ḇyerekam ko. Ḇeuser ine iso nyan ḇeḇeso fa kofasnai syowi fyor koro ḇarpon kedwa ya.​—2Kor 6:3.

KOFASNAI RO RARI KOḆENA (Flp 1:27):

• Koḇesyowi snonkaku sya privasi sena ido na kokiki ḇe rum sena donna ḇa. Konan, kinem, koḇe telfon ḇaido kofarem sms awer rofyor kores ro ḇarpon kedwa sena

KOFASNAI RO WOS KOḆENA (Ef 4:29):

• Rofyor koro ḇarpon kedwa ya, kawos awer rosai komewer snonkaku ḇena rum ya ryower na. Manḇaryas sino sisya simewer sawos ḇaḇeri insama bisa skara rosai nari imbe sawos ḇe ḇena rum ya

Nyan ḇese risai wafrur wer fa wafasnai syowi ro ḇarpon kedwa ya?