Wasmai Barakas Ḇekain Fyoro ro Manseren Allah

Manseren Allah ikofen ḇe Abraham i ḇo doḇe oso ro kpu ḇyesi nari dun barakas faro er ḇero supswan syakam. (Kejadian 22:18) Abraham kpu ḇyanine kyur ḇe mansei?

Yesus iso Abraham kpu ḇyediri. Swaf taun ri 2.000 naiwara, Yesus ifrur mujisat kuker papoik ro Allah. Fararur ḇeba anya ḇyeḇair Yesus iso nari ḇeyun barakas faro er syakam. Rarirya, roi Manseren ikofen ḇe Abraham anya ryarirya.​—Galatia 3:14.

Mujisat Yesus ifrur kwar anna nafrur fa ḇemam i sya sifawi Allah kyinfir i kwar fa dun barakas ḇe snonggaku sya. Sifawi nari Sinan ḇye Yesus i fa dun barakas ḇekain fyoro faro si. Komam mujisat Yesus ifrur anna nfasnai rari ḇe­pyum ḇyena.

Myaren asuser​—Yesus ḇye ḇeduf sya fa siprei.

Ras oso, snon ḇeduf pado dor fa Yesus ḇye i fa iprei. Yesus pyan ro i ma doḇe, ”Yamarisen!” Fyor ya ḇeri, iprei ro dafduf ḇyena.​—Markus 1:40-42.

Frur pyum​—Yesus fyan ḇebiser sya.

Yesus imewer myam snonggaku sya sibiser. Fyan snonggaku risyaran kwar. Ifrur mujisat kuker ḇye mamami ma in riḇeso fa sibor syadi. (Matius 14:17-21; 15:32-38) San kam rawo sarbor kaku, mura siryur roḇean ḇedawer na.

Sawarwar​—Yesus ḇyawes ḇemar kwar sya.

Rofyor kabom oso romawa oser baken ḇyedi imar, ḇyesaneso kaku kukro nari ḇemam i isya ḇa kwar. Yesus iswar kabom ani, inja ḇyawes romawa ḇyani fa ikenem wer.​—Lukas 7:12-15.