”Mkowaren Pdef”

25:1-12

Yesus wos sarḇer ḇyena ḇekur ḇe inkbor risamfur kyur ḇe manfamyan ḇyesi ḇesma ramrem sya. Ḇape snonkaku Kristen syakam na saksmai farkarkor ro na. (w15-IN 15/3 12-16) ”Rarirya, mkowaren [pdef], snar mkofawiḇa ras ma fafisu ya.” (Mat 25:13) Na wafawi wakfasnaiḇair knam ro Yesus wos sarḇer ḇyenane ke?

• Manfakawin (mnk. 1)—Yesus

• Inkbor ḇefawinananem ma ḇefasos kwar (mnk. 2)—Snonkaku Kristen ḇesma ramrem ḇeḇefasos kwar fa sisouser suf fararur sena ma sḇuk sananai isof papupes ani ryama (Flp 2:15)

• Mkaren ḇeyor: ”Manfakawin ryama!” (mnk. 6)—Roi ḇefasnaibos Yesus isya ḇyepoik ḇe Raja kwar

• Inkbor ḇefawi royoḇa (mnk. 8)—Snonkaku Kristen ḇesma ramrem ḇewaren pdef ḇa ma ḇesoasuser ḇa sya

• Inkbor ḇefawinananem simewer sirwas mani sena (mnk. 9)— Snonkaku Kristen ḇesma ramrem ḇesoasuser sya na sipok sifnoḇek ḇeḇesoasuser ḇa sya, rofyor sisma aḇyair ḇepupes sena kwar

• ”Manfakawin ani ryama” (mnk. 10)—Yesus ryama fa ḇyemankara ro fafisu fanam ḇe kandera ḇeba ya

• Inkbor ḇefawinananem kuker manfakawin sisun ro sim munara fakawin, ma kedwai ya ḇyeḇesisen (mnk. 10)—Yesus iryur snonkaku ḇesma ramrem ḇesoasuser sya fa sek ḇe nanki, ḇape ḇesoasuser ḇa sya sismai ḇaḇyak sena ḇa