Sinan Mkoya, Mkofnoḇek Romawa Sya fa Sismai Payamyum ro Ras Ḇarpon Iyama

Sinan ḇemkak faro Allah na imarisen myam romawa ḇesya sfarmyan ḇe Yahwe kuker souser. Rarirya ido, sinan sya fandun fa sifnoḇek romawa sesya kuker srir kakaku ya ro snemun romawa sesya fyor sibaba kaker. (Ul 6:7; Ams 22:6) Na sinan sya fandun fa sifrur roi oso ke? Imbo. Ḇape, barakas sismai na nari nasyadi ro roi sifrur na.​—3Yoh 4.

Sinan sya na sfarkor nabor ro Yusuf ma Maria su. ”Ro wampasi wambarek nakam Yesus sinan ḇyesu suraḇe Yerusalem ro ras munara Paskah.” (Luk 2:41) Kakubae, ine nefandun sasewar ma kumpan nabore. Ḇape, Yusuf ma Maria sumarisen insama kina suḇesya sfanam ḇe Yahwe I. Rarirya ro kirine, sinan sya kako na sifnoḇek romawa sesya fa sismai payamyum ro ras ḇarpon iyama. Nyan ya? Fandun fa sḇuk swaf nakam fa sfarkor romawa sesya kuker wos monda ḇa, ḇape sfasnai ro rosai sufrur na.​—Mz 127:3-5.

MAM VIDIO SUḆUK ORAS NAKAM FARO FARARMYAN, RAMNAI KWAREM FAKFUKEN ḆEUSER NANE:

• Rariso Jon ma Sharon Schiller sufakapon fararmyan ḇe Yahwe rofyor sufaduru romawa suḇesya?

• Rosai ḇefnai fa sinan sya fandun fa sfarkor ma sisonek romawa sesya imnis fandun sena oser-oser?

• Rariso sinan sya na sfasos romawa sesya fa sfarmku ro kakyar sena rofyor sismai farawrowes?

• Roi risai ro organisasi Yahwe ḇyedi buk fa wafnobek romawa Bedi fa ḇyebati kuker Yahwe I?