Koḇekir Syadi ro Fararmyan Koḇena​—Kofawi Pyum Koḇuk JW.ORG

FANDUN YA: Publikasi oser-oser, ine kako faro Roiebor fa Koḇukifarkor na nfarkin snonkaku ḇe jw.org. Kakuya, fandun ro kartu kontak ma syapram Ro Diso na Kosmai Kankarem Faro Fakfuken Befandun Kaku ro Kankenem Kobena? iso kofasnai situb web koḇedi. Na buk publikasi elektronik faro snonkaku oso roro jw.org kuker farem e-mail ḇaido warwas link. Inja na nafnoḇek Au fa rofyor wasrow kuker snonkaku ḇeyawos ro wos ḇesena. Osower ido, imbude publikasi ro Roiebor fa Koḇukifarkor Na nḇuk kankarem faro fakfuken nakam ro ḇaḇeḇaryas ḇa. Inja fandun fa koḇekir fa koḇuk jw.org ro fararmyan koḇena.

MOḆSA KOFRUR NA RAI:

• 

  Buk ḇar ro ”AJARAN ALKITAB”. Imnis raris imbe koḇaryas ḇe sinan oso ḇemarisen ḇefawi nabor syadiwer kuker rariso fyaduru romawa ḇyesya, na mam ro AJARAN ALKITAB > SUAMI ISTRI & ORANG TUA.

• Buk ḇar ro ”PUBLIKASI”. Imnis raris imbe buk kesaksian ḇeresmi ḇa ro rumfarkor ma wamarisen fa rwas brosur Kankarem Faro Fakfuken Ri 10 ro Roma Inai Babo Sya ḇe bati ḇesi ro rumfarkor ido, mam ro PUBLIKASI > SYAP & BROSUR.

• Buk ḇar ro ”MENGENAI KAMI”. Imnis raris imbe ḇaryas ḇe min fararur bedi ḇemarisen ḇefawi kaku kuker kakyar koḇena. Mam ro MENGENAI KAMI > PERTANYAAN UMUM.

MAM RO VIDIO KOFAWI PYUM KOḆUK JW.ORG, RAMNAI KWARAPAN ḆAR RISAI RO JW.ORG NARI MAM FA WAFNOḆEK:

• snonkaku ateis sya

• snonkaku oso insape roi oso nkuri

• naek srar ḇeaktifḇa sya

• snonkaku korama kaḇer yoḇ sya ḇefuken rariso fararur koḇena neḇebak rai

• snonkaku ḇero sup ḇese simarisen srama fa siso fananjur ro sup sedi