Wasmai Fainda Nabor Syadi ro Farkarkor Mankun Bedi

FANDUN YA: Kofarkor Refo ro mankunko nafnoḇek ko fa kofawi mnis napnapes ”aḇaḇamya, kawanwanya, kakakiya ma swafya”. (Ef 3:18) Nafnoḇek kokako fa kofrur sasar awer ma kosren pdef rofandu snonkaku ḇeḇarḇor ro dunya ine sya ma ’koserepen ro wos ḇekenemya’. (Flp 2:15, 16) Rofyor kofarkor Refo ro mankunko na kokinfir farkarkor ḇemnis fandandun koḇena. Rosai na kofrur insama kosmai fainda nabor ro kowasya ma kofarkor Refo ya?

MOḆSA KOFRUR NA RAI:

• Kokopḇair mnuk ono ma kofrur fasfas ro Refo koḇedi ḇeḇe cetak ḇaido ḇeḇe elektronik na

• Fafisu kowasya Refo kofuken ḇe mankunko fakfuken nane: ’Mansei? Rosai? Fafisu risai? Rodiso? Rosai ḇefnai ya? Rariso?’

• Kosewar fa kofawi kakaku ḇyena. Roi ḇeḇefasos kwar koḇukifnoḇek ko fa kofawi nabor syadi, ma kosewar knam ro awawos ḇaido mnuk ro Refo na

• Kowasenkara roi kowasya na ma kokara moḇsa na nafnoḇek ko rai

• Kofrur rosai kofarkor kwar na ro kankenem koḇena ras ḇe ras.​—Luk 6:47, 48

MAM VIDIO ’KOSEREPEN’ PDEF—KUKER KOFARKOR PYUM RO MANKUNKO, RAMNAI KWAREM FAKFUKEN ḆEUSER NANE:

• Rariso naek srar ḇeḇeso sikofenḇair kakara sena ḇekur farkarkor mankun?

• Rofyor koḇe kofarkor ro mankunko rosai ḇefnai fandun fa korandak na kuker nadi?

• Rosai na ḇefnoḇek ko fa kofawi pyum syadi mnuk-mnuk ḇero Refo na?

• Nyan risai monda na koḇukifas ḇaido koḇukakopḇair Refo faro farkarkor mankun koḇena?

• Rofyor kofarkor Refo rosai ḇefnai fandun fa kokarauser na?

• Rofyor kosmai fainda ro farkarkor Refo ya kwar, rosai fandun fa kofrur ya?