Yahwe Imarisen Kawasa Ḇyesi fa Sisren

Sinan ḇebor sya sfarkor romawa sesi nyan moḇsa sfaduru ḇaken sena ma moḇ sḇarek roya fa nasren. Imnis raris sḇan sibrasna, sifrur sren rum na, sisasapu lante, ma sisawen papus na. Ḇape, kaku ya farkankin ḇekur saranden ya ryamuma ro Allah. (Kel 30:18-20; Ul 23:14; 2Kor 7:1) Kofaduru ḇaken ma roebor koḇena fa nasren ido, koḇuk sanandik ḇe Yahwe I. (1Ptr 1:14-16) Rariso rum koḇena ma ḇuḇes na? Snonkaku sya sisawen famfnom papus na ro sampak ma taman. Ḇape, snonkaku Kristen sisewar fa smam faduru supswan ine fa isren. (Mz 115:16; Why 11:18) Kosawen famfnom kif permen, kaleng pis, ḇaido permen karet rya roi ḇekasun monda, mboi nefasnaiḇair moḇsa komam saranden ya rai. Ro kankenem koḇena kam, komarisen ’kofasna mboi koine Allah manfamyan ḇyesiko’.​—2Kor 6:3, 4.

MAM VIDIO ALLAH IMARISEN KOFADURU PDEF SARANDEN YA, RAMNAI KWAREM FAKFUKEN ḆEUSER NANE:

• Rosai ḇefrur fa ono sisya simewer sfaduru saranden ya?

• Rariso Sasoser Moses fyasnai Yahwe kakara Ḇyedi ḇekur saranden ya?

• Moḇsa na koḇuk sanandik ḇe Yahwe ro roi kofrur na?