Koḇekir Syadi Ro Fararmyan Koḇena Kawos Imnis Roi Sfandunna

FANDUN YA: Ḇesmai ramrem ma domba ḇesesya sor snonkaku sairiryakam fa ’sun war ḇeḇuk kankenem ani waworek monda’. (Why 22:17) War kankenem kyurfasnai ḇe roi nakam Yahwe fyasos kwar fa fyaspar snonkaku ḇesouser sya ro sasar ma marmari. Snonkaku kosrow sya srama ker budaya ma agama ḇeḇesisye yae. Infa kofnoḇek si ido, fandun fa koḇaryas ”Ankankinem Ḇeḇye ḇekain fyoroya” kuker nyan ḇemnis faro si oser-oser.​—Why 14:6.

MOḆSA KOFRUR NA RAI:

• Kokinfir pyum roi imbe kawos ma mnuk imbe kowasya na infa nun sne ro snonkaku ḇero moḇ koḇedi. Bisa kokinfir awawos koḇukiḇaryas ḇepyandam ḇaido awawos koḇuk kwar ro ḇaḇeḇaryas ma snonkaku simarisen na. Kokarapan: Awawos ma mnuk risai simarisen syadi na? Abar ḇebabo rosai snonkaku skara ma sawos ker na? Rosai snon ḇaido bin oso imarisen na?

• Fyor koḇaryas, kokofen aroo ma kofasnai frurpyum raris snonkaku ḇero moḇ koḇedi.​—2Kor 6:3, 4

• Komamḇir pyum syap ma vidio ḇero Roi fa Koḇukifarkor imbe koḇuk ḇe snonkaku ḇemarisen sya

• Ḇe download syap ma vidio ro wos snonkaku ḇero moḇ koḇedi sḇukidawos na

• Kofadwer roi imbe kawos ya fa imnis fandun ro ḇena rumya. (1Kor 9:19-23) Imnis raris, rosai na kokofen fyor kofawi ḇena rumya insape ismai susa snar snonkaku iswar ya imar?

MAM VIDIO ANI, RAMNAI KWAREM FAKFUKEN ḆEUSER NANE:

• Randakya rosai manbaryas ani imbe ikofen ḇe ḇena rumya?

• Samswen rosai ḇekur ḇena rumya?

• Mnuk risai ḇesrow faro fafisu ḇeradirya, ma rosai ḇefnai ya?

• Moḇsa fadwer awawosna fa nasrow kuker fandun ro snonkaku ḇero moḇ bedi rai?