Waso Awer Snonggaku Ḇebor Sya

23:1-3

Swarapepen Yahwe ḇyuk ḇe mangkara sya faro parkara hukum oso, ma ḇeḇe saksi sya insama siso awer snonggaku ḇebor fa sanggarkar ḇaido sifrur roi ḇemnis ḇa nafnoḇek kako ko ro kankenem koḇena ras ḇe ras. Kukro dunya ine imarisen dawninyan snonggaku Kristen sya fa sakso kakara ma kenem ro snonggaku ḇesyowi Yahwe kakara Ḇyena ḇa.​—Rm 12:2.

Rosai ḇefnai fa ipyum ḇa kaku koso snonggaku ḇebor sya rofyor

• korower fawar ḇekaku ḇa na?

• kokinfir sansun, famanggor snomburyam, ḇaido hiburan na?

• kokayamyam kuker snonggaku ḇese ḇerama ro er, budaya, ḇaido ḇena roinoḇa sya?